Английн Премьер лигийн "Челси" клуб довтлох чиглэлийн хагас хамгаалагч Андрей Шюррле, "Египет Месси" хочит Мохаммед Салах нарыг багаасаа явуулах төлөвтэй байна. Тэдний хувьд багийн ерөнхий дасгалжуулагч Жозе Моуриньогийн сэтгэлд нийцэхүйц тоглолтыг үзүүлж чадахгүй байгаа бөгөөд Португаль мэргэжилтэн тэднийг явуулж, оронд нь Италийн "Фиорентина" клубын хагас хамгаалагч Хуан Куадрадог энэ өвлийн солилцоо, наймааны цонхоор авчирах сонирхолтой байгаа гэнэ. Одоогийн байдлаар Мохаммед Салахыг Италийн "Рома"сонирхож байгаа бол Андрей Шюррлег Германы "Боруссиа Дортмунд", "Вольфсбург" клубүүд сонирхож байгаа юм.

Эх сурвалж: www.mminfo.mn