Зам тээврийн сайд А.Гансүхийн урилгаар Холбооны бүгд найрамдах Герман улсын “Deutsche bahn” ХК-ийн удирдлагууд гуравдугаар сарын 27-28-нд Монгол Улсад зочлох ажээ. Тус компанийн ТУЗ-ийн дарга доктор Р.Гүрб тэргүүтэй төлөөлөгчид айлчлалын хүрээнд Зам тээврийн сайд А.Гансүх, Шадар сайд Д.Тэрбишдагва, Эдийн засгийн хөгжлийн сайд Н.Батбаяр нартай уулзаж, хоёр орны замын салбар дахь хамтын ажиллагааг өргөжүүлэх, төмөр зам, ложистикийн чиглэлээр хамтран ажиллах сонирхолтой байгаа аж.

Талууд шинэ төмөр зам тавих техник, технологи, боловсон хүчин зэрэгт харилцан санал бодлоо солилцож, тодорхой үр дүнд хүрэхээр ийнхүү “Deutsche bahn”-ийн ХК-ийн ТУЗ-ийн дарга доктор Р.Гүрб тэргүүтэй төлөөлөгчдийг уриад байгаа юм байна. Мөн хамтын ажиллагааны санамж бичигт гарын үсэг зурж, Улаанбаатар төмөр зам компанийн үйл ажиллагаатай танилцахаар төлөвлөжээ.