АНУ-ын Төрийн нарийн бичгийн дарга Хилари Клинтон эмнэлгээс гараад удаагүй байгаа ч биеийн байдал нь сайн байгаа учраас ирэх долоо хоногоос үүрэгт ажилдаа эргэн орно хэмээн түүний хэвлэлийн төлөөлөгч албан ёсоор мэдэгджээ. Клинтон одоогоор гэртээ амарч байгаа бөгөөд тэрээр цус бүлэгнэх өвчний улмаас гурав хоног эмнэлэгт хэвтэн эмчлүүлсэн юм.

Эмч нарын мэдэгдсэнээр түүний өвчин бүрэн эдгэрэх боломжтой бөгөөд өнгөрөгч сард түүнийг ухаан алдан унаснаас болж тархи нь хөдөлсөн хэмээн эх сурвалжууд мэдээлжээ. Клинтон Бенгаз хотод гарсан халдлагын мөрдөн шалгалт болоод дээрх хэрэгтэй холбоотой дэлгэрэнгүй тайланг өнгөрөгч арванхоёрдугаар сард Конгрест танилцуулах байсан боловч эрүүл мэндийн байдлаас болоод хойшлуулаад байгаа гэнэ.