АН-ын ҮЗХ-ны хуралдаанд Зам тээвэр, барилга, хот байгуулалтын сайд Х.Баттулга тайлангаа тавихдаа хамтарсан Засгийн газарт АН-ын байсан хугацааны ажлыг уянгын халилаар дүүргэх ёсгүй гэлээ. “Засгийн газрын ажлын гүйцэтгэл 82 хувьтай байна гэдэг нь “Албан тасалгааны цонхоор амьдрал сайхан харагдана” гэдэг дуу шиг байна” гээд, Ц.Нямдорж сайд “Чиний төмөр зам барихыг харна аа” гэж занадаг байсан, өнөөдрийн Засгийн газрын хуралдаанд МSC компанийнхан Хятад компанитай 70 жил хамтрах тогтвортой ажиллагааны гэрээ байгуулахаар оруулж ирсэн. Үүнийг Сангийн яамныхан нууж байгаад өнөөдөр Засгийн газрын хуралдаанд оруулж байгаа. Мөн утаа багасгахдаа гадаад орнууд орон сууцжуулдаг байхад МSC зуух оруулж ирсэн зэргийг шүүмжиллээ. Мөн АН-ын дарга Н.Алтанхуяг ганцаарчилсан тоглолт хийж, Засгаас гарах болсноо дангаараа мэдэгдсэнийг буруутгав.

Мөн ҮЗХ-ны хуралдаанд ҮЗХ-ны гишүүн бус хүмүүсийг оруулж, мандат өгсөн зэргийг шүүмжиллээ. Тэрбээр сэтгүүлчдэд ярилцлага өгөхөө зарлав. Одоо Байгаль орчин, аялал жуулчлалын сайд Л.Гансүх тайлангаа тавьж байна.