Монголын багш нарын ур чадварын уралдааны дүн өнөөдөр гарч, шагналаа гардууллаа. Энэхүү уралдааныг Ерөнхий боловсролын сургууль, цэцэрлэгийн багш нарын дунд жил бүр уламжлал болгон явуулдаг багш нарын ур чадварыг дээшлүүлэх, заах арга зүй, тэргүүн туршлагыг түгээн дэлгэрүүлэх зорилгоор зохион байгуулдаг аж. Энэ жил багш нар “Багшийг  ажлын байранд нь хөгжүүлэх хамтын үйл ажиллагааны үр нөлөө” сэдвийн дор зохион байгуулсан байна. Тус уралдааны дүнгээс харахад багш нарын ур чадварыг сайжруулахын тулд “багаар хамтран ажиллаж, судалгаа хийснээр илүү чанартай, өргөн хүрээг хамарсан, үр дүнтэй болсон нь харагдаж байна” гэдгийг БСШУ-ны сайд Ё.Отгонбаяр онцолж байлаа. Мөн энэ хурлаар ур чадварын уралдаанд түрүүлсэн багш нарын хичээлийг цахим хэлбэрт шилжүүлэн 26 мянган багш нарт тараах бөгөөд үүнийг сургалтдаа нэвтрүүлэх нь нэн шаардлагатай гэлээ.