Сүүлийн үед дууны уран бүтээлчид кинонд тоглох мода дэлгэрч, ялангуяа загвар өмсөгч, дуучид энэ хэлбэрийг ихэд дэлгэрүүлэх болжээ. Хамгийн авьяаслаг жүжигчин болж чадна хэмээн үзэгчдээс өндөр үнэлгээ авч чадсан дуучдыг нэрлэж байна.

Гавьяат жүжигчин, дуучин Б.Дашдондог

Дуучин Б.Дашдондог, жүжигчин Дашка болжээ. Тэрбээр “Хүний хүүхэд” хэмээх киноны гол дүрд тоглосон нь ямар ч жүжигчнээс дутахааргүй болж чаджээ.

Б.Амархүү:

Оросын “Премьер Министр” хамтлагийн дуучин Б.Амархүү “Hero Entertainment”-ийн бүтээсэн “Татар ажиллагаа” уран сайхны кинонд Тайвнаа гэх залуугийн дүрд тоглосон юм. Б.Амархүү нь тус кинонд 33 настай, ажлаасаа халагдсан, охин нь хүнд өвчтэй аавын дүрийг бүтээжээ. Өдгөө 23 настай залуу дуучин маань өөрөөсөө арван насаар ах хүний дүрийг үнэхээр чадварлаг бүтээсэн байв. Б.Амархүү одоо хоёр дахь дэлгэцийн бүтээлдээ тоглож байгаа бөгөөд кинонд  тоглох саналд дарагдаад байгаа гэнэ лээ. 

Бүтэлгүй программист Д.Батсүх:

“Татар ажиллагаа” уран сайхны кинонд “Номин талст” хамтлагийн дуучин Д.Батсүх Гялбаа хэмээх программист залуугийн дүр бүтээжээ. Шилдэг дүр. Бүтэлгүй, муу санаатай программист залуугийн дүрийг Д.Батсүхээс өөр хүн тэгж гаргах байсан уу гэдэг эргэлзээтэй. Бие даасан уран бүтээлийнхээ клипэнд өөрөө тоглож, жүжиглэлт сайтай дуучин болохоо хэдэнтээ нотолсон Сүхээд кинонд тоглох тийм ч хүнд байгаагүй байх.

Д.Болд:

Тэр үзэгчдээс “онц” дүн авсан. Үнэнч фэнүүдийнхээ тоогоор
монголдоо толгой цохидог дуучин Д.Болд “Би чамд хайртай-2” уран сайхны
кинонд Дэлгэрийн хүүгийн дүрд тоглосон нь түүний бас нэгэн шинэ дүр
төрхийг бий болгосон юм.

Т.Баясгалан: Гавьяат жүжигчин, дуучин Т.Баясгалан уран бүтээл гэхээсээ илүүтэй гэр бүл, хувийн бизнестээ анхаарал тавих болсон ч гэнэт л нэг өдөр кино урлагт хүч сорьж байгаагаа мэдэгдээд авсан юм. "Рашаантын 18" хэмээх танил нэрээр кино хийж, продюссерээр нь ажилласан нийтийн дуучин бүсгүй энэ бүтээдпээ эмч бүсгүйн дүрийг чамбай гэгч нь бүтээжээ.