Хүний хөгжил сангийн 21 мянган төгрөгийн үйлчилгээний хураамжийн татварт 350 төгрөг авдаг болсныг иргэд эсэргүүцэж буй юм. Зөвхөн иргэдийг бухимдуулаад зогсохгүй төр засгийнхны сонорт хүрчээ. Уг асуудлыг Засгийн газрын хуралдаанаар хэлэлцэхээр болсон тул Хөдөлмөр, халамж үйлчилгээний газраас банкуудад энэхүү мөнгийг олгохоо зогсоо гэсэн мэдэгдэл ирүүлжээ. Энэхүү шийдвэрийн дагуу “Капитал” банк мөнгө олгох ажлыг зогсоосон бол “Хадгаламж” банк олгож байгаа. Иймд энэ талаар “Хадгаламж” банкны Улаанбаатарын харилцааны хэлтсийн захирал Б.Амартүвшингээс тодрууллаа. -Танай банк Хүний хөгжил сангийн мөнгийг олгож байгаа юу?
-Олгож байгаа.
-Хөдөлмөр, халамж үйлчилгээний хэлтсээс мөнгө олгох ажлыг зогсоосон. Гэтэл танай банк яагаад олгохоор болсон юм бэ?
-Иргэдээс ирсэн санал гомдлын дагуу манай банк 20650 төгрөг олгож байна.
-Хэрвээ Засгийн газраас үйлчилгээний хөлс болох 350 төгрөгийг төрөөс олгохоор болвол мөнгөө авсан иргэдийн хураамжийг яах вэ?
-Засгийн газраас хураамжийн мөнгийн өгөхөөр болбол 21 мянган төгрөгөө авсан иргэдийн данс руу 350 төгрөгийг нь шилжүүлнэ.
Б.Даваатогтох
"Өдрийн шуудан" сонин
