Үндэсний статистикийн хорооноос өчигдөр “Монголын нууц товчоо” жуулчны баазад “Статистикийн мэдээлэгч болон хэрэглэгчийн хоорондын харилцааг бэхжүүлж, статистикийн  боловсрол, мэдээллийг ашиглах чадварыг дээшлүүлэх зорилго”-оор уулзалтыг сэтгүүлчдийн дунд зохион байгууллаа. Уг уулзалтыг Үндэсний Статистикийн хорооны дарга С.Мэндсайхан нээж “Статистикийн байгууллагын үйл ажиллагаа”-ны талаархи мэдээллийг сэтгүүлчдэд хүргэв. Мөн сургалтын дараа спортын арга хэмжээ болсон бөгөөд статистикийн байгууллагын үйл ажиллагааны талаархи асуулт хариулт бүхий буухиа уралдаан, олс таталт, дартс зэрэг спортоор сэтгүүлчид хурд хүч, авхаалж самбаагаа сорьсон юм.