АМГ-ын дарга Д.Батхуягт холбогдох хэргийг шалгаж буй АТГ-ын Мөрдөн шалгах хэлтсийн мөрдлөг хууль ёсоор явж буй эсэхт Прокурорын газрын  хяналтын прокурор хяналт тавьж эхэлжээ. Д.Батхуягт Эрүүгийн хуулийн 254.2 дахь хэсэгт зааснаар эрүүгийн хэрэг үүсгэх тухай прокурорын даалгаврын дагуу  өнгөрсөн хоёрдугаар сарын 20-ны өдрөөс АТГ-т шалгаж эхэлсэн юм. Уг хэрэгт АМГ-ын дарга Д.Батхуягийг сэжигтнээр татан шалгах болсон үндэслэл нь  “Гол мөрний урсац бүрэлдэх эх, усан сан бүхий малтмалын бүс, ойн сан бүхий газар, ашигт малтмал хайх, ашиглахыг хориглох тухай” хуулийг зөрчиж 192 зөвшөөрөл  бусдад олгосон юм.