Өнгөрсөн аравдугаар сараас энэ сарыг хүртэл Италийн нэрт удирдаач Роберто Салвалаио Монгол Улсын дуурь бүжгийн эрдмийн театрт Б.Сэргэлэн захирлын урилгаар ирж ажилласан билээ. Тэрбээр хоёр сарын хугацаанд Дж.Вердийн “Травиата” дуурь, П.И.Чайковскийн “Хунт нуур” балет, Дж.Вердийн “Богема” дуурь, “Трубадур” дуурийг удирдан тоглуулсан юм. Роберто Салвалаио ирэх онд дахин Монголд ирэхээ амалсан юм. Тэрбээр ирэх сарын 20-нд Монголд ирэх бөгөөд ганцаараа бус Италийн нэртэй дуурийн дуучин, хөгжимчинтэй хамт ирэхээр болжээ. Тэд зуун жилийн түүхтэй Дж.Пуччинийн “Тоска” дуурьд Монголын уран бүтээлчидтэй хамтран тоглох юм.