“TLG-13” ТББ болон “MCS Coca Cola” компанийн хамтран зохион байгуулдаг сонирхогчдын сагсан бөмбөгийн хамгийн том лиг болох “Спрайт Супер Лиг”-ийн плэй-оффын тоглолтууд тун өрсөлдөөнтэй үргэлжилж байна. Энэ улирлын лигт нийт 24 баг дөрвөн сарын хугацаанд өрсөлдсөний эцэст, баруун бүсийг “Хасу Мегаватт”, зүүн бүсийг “Ардын Бүргэдүүд” баг тэргүүллээ. Плэй-оффын шатанд 16 баг шалгарсан.“Спрайт Супер Лиг”-ийн плэй-оффт түрүүлж хоёр хожсон баг нь цааш өрсөлдөөнөө үргэлжлүүлэх боломжтой байдаг. Улмаар эхний шатнаас Хасу Мегаватт, Альянс Тех, Капитал Банк, Найши Трейд, ИНЕГ Буянт Ухаа, Ардын Бүргэдүүд, Төв Ургац, Гэгээн Хангай гэсэн багууд өрсөлдөгдчөө хожиж, дараагийн шатад шалгарсан юм.

Плэй-оффын хоёрдугаар шатны тоглолтууд өнгөрсөн амралтын өдрүүдэд Спортын төв ордонд боллоо. Энэ шатанд ИНЕГ Буянт Ухаа баг өрсөлдөгч Ардын Бүргэдүүдбагийг 2:0, Төв Ургац баг Гэгээн Хангай багийг 2:0-ийн харьцаатай хожиж, “Спрайт Супер Лиг”-ийн бүсийн аваргын төлөө буюу “ШИЛДЭГ 4” багийн өрсөлдөөнд шалгарлаа. Харин Хасу Мегаватт болон Альянс Тех, Капитал Банк болон Найши Трейд багуудын тоглолт 1:1-ийн харьцаатайболон тэнцээд байна. Шийдвэрлэх гурав дахь тоглолт маргааш буюу мягмар гарагт 16:00 цагаас Спортын төв ордонд эхэлнэ. Мөн маргааш эмэгтэй дөрвөн тоглолт болно. Улмаар энэ тоглолтуудын дараагаар “Спрайт Супер Лиг”-н “ШИЛДЭГ 4” баг тодорхой болж, бүсийн аваргын төлөөх тоглолтууд ирэх бямба, нямгаригт эхлэх гэж байна. Улмаар энэ “ШИЛДЭГ 4” багаас Үндэсний Супер лиг буюу дээд лигт тоглох багууд тодрох юм.