УИХ-ын гишүүдийн асуулт хариулт үргэлжилж байна.Тодруулбал, Ж.Эрдэнэбат “Хүүхдийн өдрийн хоолны нормыг бууруулсан. Цэцэрлэг, сургууль, дотуур байрны төсөв буурч, хоолны норм багассан байна. Үүнээс болоод байдал хүнд байгааг сургууль, цэцэрлэгийн эрхлэгч нар хэлж байна” гэв. Хариуд нь Л.Гантөмөр сайд “Хүүхдийн хоолны асуудал Засгийн газраас норм, нормативийг нэмэгдүүлсэн. Хэмжээг энэ жил нэмэгдүүлсэн. Өгч байгаа мөнгөндөө тааруулаад хамгийн чанартай бүтээгдэхүүн авахыг сургууль, цэцэрлэгийн удирдлагуудаас шаардаж байгаа. Цаашид өдрийн хоолны мөнгө нэмэхээр төлөвлөж байна.  Үүнийг төр дангаараа даахаас илүү эцэг, эхчүүдийн  зүгээс эдийн засгийн дэмжлэг авах асуудлыг судалж байгаа” гэлээ.

Д.Лүндээжанцан “Баян-Өлгий аймагт монгол хэлний сургалт ямар байна  вэ. Тус аймагт ажиллаж байхад залуучууд нь монгол хэлээр ярихаар ойлгодоггүй, орчуулга хийлгүүлж байсан. Энэ ямар байгаа вэ” Л.Гантөмөр “Баян-Өлгийн аймагт монгол хэлний сургалт маш муу. Аймгийн удирдлагууд нь их дургүй байдаг. Монгол хэлийг Их сургуульд сурна гэсэн ойлголттой байдаг юм билээ. Асуудлыг шийдэхээр бол УИХ-ын чуулганы, байнгын хороон дээр ярих хэрэгтэй. Яамнаас нэлээд хэдэн оролдлоно хийсэн ч амжилтгүй байгаа” гэлээ.

УИХ-ын гишүүдийн асуулт, хариулт үргэлжилж байна.