Колумбын од дуучин Шакира арван насаар дүү хөлбөмбөгч Жерар Пикетэй удаан үерхсэний эцэст хөл хүнд болсон тухай өнгөрөгч есдүгээр сард олонд зарласан. Үүнээс хойш дуучин Шакира олны өмнө тоотой хэдэн удаа гарсан бөгөөд хамгийн сүүлд өнгөрсөн сард найз залуутайгаа  Жеймс Бонд цувралын шинэ анги “Skyfall”-ийг үзэж яваад папараццид өртжээ. Харин өчигдөр Шакирагийн найз залуу Жерар Пике анх удаа хүүхдийнхээ хэт авианы зургийг цахим хуудсандаа байршуулсан байна. Хөлбөмбөгч Жерар Пике “Бидний хүүхдийн анхны зураг. Үнэхээр сонирхолтой бас өхөөрдөм.” гэж бичжээ. Мөн тэрээр Шакираг “хүү” төрүүлэх гэж байгааг фанатууддаа мэдэгдсэн байна.