МАХН-ын дарга Н.Энхбаяр, До.Чулуунбаатар, Ж.Мягмаржаргал, Д.Дуламсүрэн нарт холбогдох хэргийг шүүх хурал 10.00 цагаас Сүхбаатар дүүргийн шүүхэд эхэлсэн ч яг одоо түр завсарлаад байна. Шүүх хуралд Н.Энхбаярын өмгөөлөгч О.Сайнгэрэл ирээгүй аж. Тэрбээр хүүхдийн бие өвдөж, эмнэлэгт хэвтсэн тул Шүүх хуралд ирж чадахгүй болсноо Сүхбаатар дүүргийн шүүхэд бичгээр мэдэгджээ.

Түүнчлэн МАХН-ын дарга Н.Энхбаяр өмгөөлөгч С.Нарангэрэлийг өөрийн өмгөөлөгчөөр нэмж авах хүсэлт гаргасан бөгөөд С.Нарангэрэл уг хэргийг өмгөөлөхийн тулд хавтаст хэрэгтэй танилцах хоёр сарын хугацаа хэрэгтэй байгаа тухай хүсэлтийг шүүх бүрэлдэхүүнд гаргасан байна. Яг одоо шүүх бүрэлдэхүүн өмгөөлөгч С.Нарангэрэлийн хүсэлтийг хэлэлцэж байна.