Залуустаа дуулгах таатай мэдээ байна. Хэрэв та ганц бие бол энэ сарын сүүлээр хосоо олох боломжийг Үндэсний соёл амралтын хүрээлэнгийнхэн олгож байна. Учир нь өнгөрсөн хоёрдугаар сарын 14-нд зохион байгуулж байсан “Blind Date”-ийг дахин хийх гэж байна. “Blind date” энэ сарын сүүлээр паркийн Sport Pub-д болох юм. Энэхүү болзоо нь ганц бие залууст шинэ соёлыг таниулахын зэрэгцээ төөрөлдөж яваа хосуудыг учруулах боломж нөхцөлийг бүрдүүлж өгөх аж. 

“Blind date”–д оролцсоноор олон сонирхолтой тэмцээн, уралдаанд оролцон гайхалтай хөгжмийн тоглолт үзэж, хамгийн гол нь шинэ танил, найз нөхөдтэй болно гэдгийг дуулгая. Та хэдэн ч настай байсан энэхүү хөтөлбөрт бүртгүүлж оролцон 247 минутыг мартагдашгүй хөгжилтэй өнгөрүүлэх бүрэн боломжтой.  Паркийн зүгээс оролцох хүсэлтэй залуусыг бүртгэж, нас хүйсээр нь тэнцүүлэн тохируулж, уулзалт зохион байгуулах юм. Хэрэв бүртгүүлэх бол 7777-7000 утсаар холбогдоорой.