Өнөөдөр үдээс өмнө УИХ-ын Байгаль орчин, хөдөөгийн хөгжлийн байнгын хорооны гишүүд хуралджээ. Байнгын хорооны хуралдаанаас Байгаль орчин, аялал жуулчлалын яамнаас өргөн барьсан Байгаль орчны багц хуулийн төслийг хэлэлцүүлэгт бэлтгэх ажлын хэсгийг байгуулсан байна. Ажлын хэсгийг БОАЖ-ын сайд асан УИХ-ын гишүүн Д.Гансүх ахалж, байнгын хорооны 15 гишүүн ажлын хэсэгт орсон байна. Учир нь Байгаль орчны багц хуулийн төсөлд урьд өмнө энэ салбарт үйлчилж байсан 18 хуулийг нэгтгэж, арав гаруй хууль болгосон тул гишүүд хуулийн төсөл бүр дээр хуваагдаж ажиллах аж. Хуулийн төслийн анхны хэлэлцүүлгийг намрын чуулганаар байнгын хороон дээр нэгэнт хийчихсэн, хаврын чуулганаар хэлэлцэх асуудлын эхэнд яваа тул гишүүд завсарлагааны хугацаанд нэлээд ажлыг амжуулах хэрэгтэй болоод байгаа аж.

Л.Гансүх гишүүний хувьд намын даалгавраар сайдынхаа ажлыг өгсөн ч салбарынхаа ажлыг явуулах гэж чармайж байгаад нь олзуурхсан зарим нь “Наад хүн чинь ч ядрахад барих модтой” хэмээн хошигнож байна.