ᠲᠦᠷᠭᠡᠨ ᠪᠣᠯᠤᠨ ᠲᠦᠷᠭᠡᠪᠴᠢᠯᠡᠭᠰᠡᠨ ︵ᠷᠠᠫᠢᠳ᠋᠂ ᠪᠯᠢᠼ︶ ᠲᠣᠭᠯᠠᠯᠲᠠ ᠶᠢᠨ ᠤᠯᠤᠰ ᠤᠨ ᠠᠪᠤᠷᠭᠤ ᠰᠢᠯᠭᠠᠷᠠᠭᠤᠯᠬᠤ ᠲᠡᠮᠡᠴᠡᠭᠡᠨ ᠲᠥᠷᠥ ᠶᠢᠨ ᠣᠷᠳᠣᠨ ᠳᠤ ᠥᠴᠥᠭᠡᠳᠦᠷ ᠡᠬᠢᠯᠡᠭᠰᠡᠨ᠃ ᠮᠣᠩᠭᠣᠯ ᠤᠯᠤᠰ ᠠᠩᠬᠠᠨ ᠤ ᠦᠨᠳᠦᠰᠦᠨ ᠬᠠᠤᠯᠢ ᠪᠠᠨ ᠪᠠᠲᠤᠯᠠᠵᠤ ᠂ ᠪᠦᠭᠦᠳᠡ ᠨᠠᠶᠢᠷᠠᠮᠳᠠᠬᠤ ᠤᠯᠤᠰ ᠪᠤᠯᠤᠭᠰᠠᠨ ᠢᠶᠠᠨ ᠲᠤᠩᠬᠠᠭᠯᠠᠭᠰᠠᠨ ᠤ 94 ᠵᠢᠯ ᠦᠨ ᠣᠢ ᠶᠢᠨ ᠪᠠᠶᠠᠷ ᠢ ᠲᠣᠬᠢᠶᠠᠯᠳᠤᠭᠤᠯᠤᠨ᠂ ᠶᠡᠷᠦᠩᠬᠡᠢ ᠰᠠᠶᠢᠳ ᠤ᠊∙ᠬᠦᠷᠡᠯᠰᠦ᠋ᠬᠡ ᠶᠢᠨ ᠢᠪᠡᠭᠡᠯ ᠳᠣᠣᠷᠠ ᠵᠣᠬᠢᠶᠠᠨ ᠪᠠᠶᠢᠭᠤᠯᠵᠤ ᠪᠤᠢ ᠡᠨᠡᠬᠦ ᠲᠡᠮᠡᠴᠡᠭᠡᠨ ᠳᠦ 110 ᠭᠠᠷᠤᠢ ᠰᠢᠯᠢᠳᠡᠭ ᠰᠢᠲᠠᠷᠠᠴᠢᠨ ᠣᠶᠤᠨ ᠤᠬᠠᠭᠠᠨ ᠢᠶᠠᠨ ᠤᠷᠤᠯᠳᠤᠭᠤᠯᠵᠤ ᠪᠤᠢ ᠶᠤᠮ᠃ ᠲᠤᠬᠠᠶᠢᠯᠠᠪᠠᠯ᠂ ᠶᠡᠬᠡ ᠮᠠᠰᠲ᠋ᠸᠷ ᠪ∙ᠬᠠᠲᠠᠨᠪᠠᠭᠠᠲᠤᠷ᠂ ᠳ∙ᠰᠢᠷᠠᠪᠳᠤᠷᠵᠢ᠂ ᠼ∙ᠪᠠᠲᠤᠴᠢᠯᠠᠭᠤᠨ᠂ ᠪ∙ᠮᠦᠩᠭᠦᠨᠲᠤᠤᠯᠠ᠂ ᠠ᠊∙ᠡᠩᠬᠡᠲᠤᠤᠯᠠ᠂ ᠪ∙ᠠᠮᠢᠨᠠ ᠲᠡᠷᠢᠭᠦᠲᠡᠢ ᠰᠢᠲᠠᠷᠠᠴᠢᠳ ᠠᠴᠠ ᠭᠠᠳᠠᠨᠠ ᠠᠬᠠᠮᠠᠳ᠂ ᠥᠰᠪᠦᠷᠢ ᠶᠢᠨ ᠣᠯᠠᠨ ᠤᠯᠤᠰ ᠤᠨ ᠴᠣᠯᠠ ᠲᠠᠢ ᠮᠠᠰᠲ᠋ᠸᠷ ᠤᠳ᠂ 1800 ᠍ ᠠᠴᠠ ᠳᠡᠭᠡᠭᠰᠢ ᠴᠢᠨᠰᠠᠭᠠ ᠲᠠᠢ ᠰᠢᠲᠠᠷᠠᠴᠢᠳ ᠣᠷᠣᠯᠴᠠᠵᠤ ᠪᠠᠶᠢᠨᠠ᠃
ᠳᠡᠯᠡᠬᠡᠢ ᠨᠡᠶᠢᠲᠡ ᠪᠡᠷ ᠰᠢᠲᠠᠷᠠ ᠶᠢᠨ ᠲᠡᠮᠡᠴᠡᠭᠡᠨ ᠢ ᠰᠲ᠋ᠠᠨᠳᠠᠷᠲ᠂ ᠷᠠᠫᠢᠳ᠋᠂ ᠪᠯᠢᠼ ᠭᠡᠰᠡᠨ ᠭᠤᠷᠪᠠᠨ ᠲᠥᠷᠥᠯ ᠢᠶᠡᠷ ᠵᠣᠬᠢᠶᠠᠨ ᠶᠠᠪᠤᠭᠤᠯᠳᠠᠭ ᠪᠥᠭᠡᠳ ᠥᠨᠥᠳᠥᠷ ᠦᠨ ᠷᠠᠫᠢᠳ᠋᠂ ᠪᠯᠢᠼ ᠲᠥᠷᠥᠯ ᠨᠢ ᠲᠠᠮᠢᠷᠴᠢᠳ ᠠᠴᠠ ᠬᠤᠷᠳᠤᠨ ᠰᠡᠳᠭᠢᠭᠦ ᠴᠢᠳᠠᠪᠤᠷᠢ᠂ ᠠᠪᠬᠠᠯᠵᠢ ᠰᠠᠮᠪᠠᠭᠠ᠂ ᠬᠤᠷᠳᠤᠨ ᠬᠥᠳᠡᠯᠭᠡᠭᠡᠨ ᠱᠠᠭᠠᠷᠳᠠᠳᠠᠭ ᠣᠨᠴᠠᠯᠢᠭ ᠲᠠᠢ᠂ ᠦᠵᠡᠭᠴᠢ ᠣᠯᠠᠨ ᠲᠠᠢ ᠲᠡᠮᠡᠴᠡᠭᠡᠨ ᠶᠤᠮ᠃
