Засгийн газрын ээлжит бус хуралдааныг өнөөдөр 14.30 цагаас хуралдуулахаар зарлаад байна. Хуралдаанаар хэлэлцэх асуудлыг зарлаагүй ч өчигдөр хуралдсан асуудлаар үргэлжлүүлэн хуралдах бололтой.

Монгол Улсын Их Хурлын дарга Д.Дэмбэрэл тэргүүтэй парламентын төлөөлөгчдийн БНСУ-д хийж буй албан ёсны айлчлал гурав дахь өдрөө үргэлжилж байна.

УИХ-ын нэр бүхий гишүүд хамтран “25 дугаар суваг” телевизээр “Дуусдаггүй яриа” нэртэй шууд нэвтрүүлгийг явуулж буй. Тэд энэ нэвтрүүлгээр олон нийтийн анхаарлын төвд байгаа томоохон асуудлуудаар холбогдох мэргэжлийн байгууллага болон олон нийт, иргэний нийгмийн төлөөллийг оролцуулсан хэлэлцүүлэг зохион байгуулж, өөрсдөө ч энэ сэдвээр санал бодлоо уралдуулдаг.

Дипломат ёслолын арга хэмжээг улс орон бүр зохион байгуулдаг уламжлалтай. Уг уламжлал ёсоор Монгол Улсын Гадаад харилцааны сайд Г.Занданшатарын гэргий Г.Отгонгэрэл “Мартын 8”-ныг угтан гадаад улсаас Монгол Улсад суугаа элчин сайд нарын гэргийг хүндэтгэсэн ёслолын арга хэмжээ лхагва гаригт ДБЭТ-т боллоо.

Нью-Йорк хотноо ажлын айлчлал хийж буй Гадаад харилцааны яам/ГХЯ/-ны Төрийн нарийн бичгийн дарга /ТНБД/ Д.Цогтбаатар өчигдөр Хүмүүнлэгийн асуудал хариуцсан Ерөнхий нарийн бичгийн даргын орлогч Ж.Холмс, НҮБ-ын Хөгжлийн хөтөлбөр (НҮБХХ)-ийн захирагч Х.Кларк, НҮБ-ын ЭСАГ-ын орлогч дарга Д.Титов нартай уулзаж, эрдэмтэн судлаач, төрийн бус байгууллагын төлөөлөл, Монгол Улсыг сонирхож судалдаг хүмүүст зориулан Монгол Улсын гадаад бодлогын талаар яриа хийв.

УИХ-ын дарга Д.Дэмбэрэл 2010 оны хоёрдугаар сарын 2-ны өдөр Монгол Улсын Ерөнхий сайд С.Батболдод албан тоот илгээж, Монгол Улсын 2010 оны төсвийн тухай хуульд нэмэлт, өөрчлөлт оруулах саналаа боловсруулж УИХ-д оруулах чиглэл өгсөн юм.

УИХ-ын дарга Д.Дэмбэрэл БНСУ-ын парламентын гишүүн, Хууль зүйн байнгын хорооны дарга Юү Сүн Хо-той ажил хэргийн уулзалт хийлээ.