Ванкуверийн өвлийн олимпийн эрэгтэйчүүдийн хоккейн хүрэл медалийн төлөөх тэмцэлд буурал Европын хоёр баг өрсөлдсөнөөс хоккейн шилдгүүдийн нэг финляндууд Словакийг буулган авлаа.

Ванкуверийн олимпийн сүүлийн тэмцээнүүд явагдаж үндсэндээ дуусах шатандаа орж байна. Дундад зууны үеийн дээдсийн тоглоом гэгддэг кёрлингийн тэмцээний шийдвэрлэх тоглолтууд болж дүнгээ гаргасан.

Польшийн цаначин Юстина Ковальчик олимпийн сүүлийн өдөр цанын 30 км-ийн бөөн гараанаас өөрийн эх орон болон үндэсний шигшээ багтаа олимпийн алтан медалиар бэлэг барьлаа.

Италийн эрэгтэйчүүдийн уулын цанын тамирчин Жулиано Раццоли ялалт байгуулж, алтан медалийг олимпийн хамгийн сүүлийн өдөр авлаа. Тэр цанын слаломын төрөлд хоёр гарааны нийлбэр дүнгээр нэг минут 39,32 секундын амжилт үзүүлж аваргалжээ

Германы тэшүүрийн эмэгтэй баг олимпийн алтан медаль авлаа. Багийн уралдаанд тэд шилдэг нь байж, финалын шувтрагын шатанд Японы бүсгүйчүүдийг 0,02 секундээр тэргүүлэн олимпийн аваргын болзол хангасан.

Бобследийн эрэгтэй дөрвөн хүний бүрэлдэхүүнтэй багийн тэмцээнд Ванкуверийн өвлийн олимпийн алтан медалийг Америкийн эрэгтэй баг авлаа.