Иргэний зориг намын Улс төрийн зөвлөл өнөөдөр 16 цагаас хуралдахаар товложээ. Хурлаар Ногоон намаас тавиад байгаа нэгдэх саналыг хэлэлцэх юм байна.Өмнө нь хоёр намаас ажлын хэсэг гарч энэ асуудлаар ярилцан мэдээлэл солилцжээ. Тус хоёр нам өнгөрсөн онд болсон Ерөнхийлөгчийн болон нөхөн сонгуульд АН-ыг дэмжин хамтран ажиллаж байсан билээ.

Монгол Улсын Ерөнхийлөгчийн санаачилсан Эрүүгийн хуульд нэмэлт, өөрчлөлт оруулах тухай хуулийн төслөөр Иргэний танхимд хэлэлцүүлэг боллоо. Хэлэлцүүлгийг Ерөнхийлөгчийн хуулийн бодлогын зөвлөх Г.Ганзориг удирдан явуулсан юм.

УИХ-ын хаврын чуулганаар УИХ-ын сонгуулийн тухай хуулийг шинэчлэхээр болсон. Эрхэм гишүүн Л.Болд УИХ-ын сонгуулийн тухай хуулийн шинэчилсэн найруулгын төслийг санаачлаад байна. Төслөөр одоо мөрдөж буй Сонгуулийн хуулийн 80 орчим хувьд өөрчлөлт оруулах аж. Уг төслийг Засгийн газарт санал авахаар хүргүүлсэн бөгөөд удахгүй УИХ-д нэлээд өргөн бүрэлдэхүүнтэйгээр өргөн барихаар болжээ.