Сонгогчид У.Хүрэлсүх, Л.Оюун-Эрдэнэ, Д.Амарбаясгалан даргатай МАН-д нэг биш хоёр ч удаа үнэмлэхүй боломж олгосон. Эцэст нь эрхээ хязгаарлуулж, дур зоргоороо машинаа унаж болохгүй, үр хүүхдүүддээ олигтойхон боловсрол эзэмшүүлж чадахгүй, сайжруулсан түлш гэх угаарт нь хордож, олон зуугаараа эмнэлгийн орон дээр хэвтэж, хаалгаж, хориулсан ард түмэн болов. 

Өөрөө хэлбэл, авлигын дагнасан шүүхтэй болох хуулийг та нар дэмжиж, баталж өг гэсэн утгатай үгийг намын даргын хувьд, Ерөнхий сайдын хувьд УИХ-ын гишүүдэд сануулж буй хэрэг.

Энэ мэт эрх ашгаас илүү гэм буруутайд нь хариуцлага тооцож, хэн нэгэнд нь улс төрийн оноо авах гэсэн шоу болгохгүй, хууль, дүрмээ баримталсан, нөлөөнд автахгүй, шударга сонсгол болоосой гэдгийг л олон нийт хүсч, хүлээж байна.

Ийм л дэглэлттэй, сценаритай, барилдахаасаа таахалздаг төртэй болоод удав. Ардын намын ам ажлын зөрүү нэг иймэрхүү л явцтай, удаашралтай, зохиолтойгоор өрнөсөөр, үргэлжилсээр сонгуультай золгоно.