УИХ-ын чуулганы үдээс хойшхи хуралдаанаар УИХ-ын гишүүн Э.Мөнх-Очир нарын өргөн мэдүүлсэн Дэлбэрэх бодис, тэсэлгээний хэрэгслийн эргэлтэд хяналт тавих тухай хуулийн шинэчилсэн найруулгын төслийн эцсийн хэлэлцүүлгийг хийж, санал хураалт явуулах гэсэн боловч УИХ дахь МАХН-ын бүлэг завсарлага авлаа.

Монгол Ардын Хувьсгалт Намын бүлэг өнөөдөр үдээс өмнөх хуралдаанаараа зарим асуудалд санал нэгдсэн ч сэтгүүлчдэд мэдээлэл хийсэнгүй.

УИХ дахь МАХН-ын бүлэг өнөөдөр 12.00 цагаас эхлэн хуралдсан юм. Тус бүлэг саяхан хуралдаанаа завсарлуулсан ч 15.00 цагаас үргэлжлүүлэхээр болжээ.

УИХ-ын чуулганы нэгдсэн хуралдаан үргэлжилж байна. Харин хуралдаантай зэрэгцэн Ардчилсан намын бүлэг хуралдаж байна.

Улсын Их Хурал дахь Ардчилсан намын болон Монгол Ардын хувьсгалт намын бүлгийн хуралдаан өндөрлөж, бүлгийн дарга нар хэлэлцсэн асуудлаар намын байрь суурь ямар байгаа талаар хэвлэлийнхэнд мэдээлэл өгч байв.

Сүхбаатарын талбайд болсон иргэний хөдөлгөөнүүдийн жагсаалаас болж, УИХ дахь МАХН-ын бүлэг бүтэн хуралдаж чадсангүй. Уг нь бүлгийн хуралдаан үдээс өмнө эхэлсэн ч тухайн үед иргэний хөдөлгөөнүүдийн жагсаал ид эхэлж байсан аж.