Харин эрх баригчид энэ цонх үеийг ашиглаж, гадны хөрөнгө оруулагчдад таатай, алсын хараатай гадаадын хөрөнгө оруулалтыг нэмэгдүүлсэн хууль эрх зүйн орчныг бүрдүүлэх богинохон цаг хугацаатай уралдах шаардлага үүсч байна.

Улсын маань рейтинг гадаад талдаа уруудсаар байгаа нөхцөлд хөрөнгө оруулагчдыг “хөхөөрөө” даллаад ч ирэхгүй л дээ, даанчиг.

Парламентын нэр хүнд унасан, УИХ-ын гишүүддээ иргэд нь итгэхгүй байгаа шалтгааны нэг нь улс төрийн намын санхүүжилт байж болох ч УИХ-д сонгогдож буй гишүүд нь өөрсдөө авлига, хээл хахууль, албан тушаалаа ашигласан хэрэгт холбогддогтойгоор парламентын нэр хүнд илүү их унаж байгааг эрх баригчид гэнэт ухаарсан баймааргүйсэн.

Гэхдээ тэдэнд Үндсэн хуульд нэмэлт, өөрчлөлт оруулах, Сонгуулийн хуульд гар хүрч, холимог системтэй болох сүүлчийн боломж нь хаврын чуулган. Учир нь сонгуулийн жилээс нэг жилийн өмнө Сонгуулийн тухай хуульд, Үндсэн хуульд ч гар хүрч болохгүй хуулийн зохицуулалттай.

Хууль зүй, дотоод хэргийн сайд Х.Нямбаатар ч гадаадын хөрөнгө оруулагчдын луйвардсан хүмүүстэй хариуцлагын асуудал ярина хэмээж, УИХ-аас Гадаадын хөрөнгө оруулалтын тухай хуулийг батлуулахаар зэхсэн ч парламентын босго давж чадаагүй зэрэг олон асуудал бидэнд бий. 

МАН-ын дарга Л.Оюун-Эрдэнэд Үндсэн хуульд нэмэлт өөрчлөлт оруулах хүсэл байгаа бол түүнийг нь дэмжих 57 гишүүний кноп хэрэгтэй болно.

Мөн АТГ өнгөрсөн  2020 онд 35,6 тэрбум, 2021 онд 96,2 тэрбум, 2022 онд 2,5 их наяд төгрөгийн авлигын хохирол нөхөн төлүүлсэн гэж буй. Зөвхөн энэ онд гэхэд 2,5 их наяд төгрөг гэдэг нь ийм хэмжээний мөнгө авлига, албан тушаалын гэмт хэргийн орчинд эргэлдэж байна гэсэн үг. 

Гэхдээ энэ мэтээр өөрсдийн саналаа шууд тулгаж, Зөвлөлдөх бүрэлдэхүүнтэйгээ ойлголцохгүй, өөрсдийн санаархлаа тулгаад эхэлбэл тэдний хүсээд буй санал асуулга, өөрчлөлт явна гэдэг юу л бол.

Одоо л иргэд хяналттай, хариуцлагатайгаар түр хорооны гэрчүүдийн мэдүүлэг, мэдээлэл, түр хорооны ажлыг ч мөн хянах цаг!