Монгол Улсын далай аварга Г.Өсөхбаяр ард түмэндээ сар шинийн мэнд уламжилж, “Ардын эрх” сонинд дэлгэрэнгүй ярилцлага өглөө.

Дөлийн Эрдэнэбилэг. Монгол Улсад 2001 онд Олон улсын их мастер цолыг даамын төрөлд анх удаа авчирч, Азийн аваргын тэмцээнд гурав дараалан төрүүлж, Ази тивийн шилдэг тамирчин өргөмжлөлтэйгээр тивээ төлөөлөн энэ сарын 20-27-ны хооронд болох дэлхийн шилдэг 12 даамчны “халз тулаанд” оролцох гэж байгаа нэгэн.

Тэр их даруухан. Бөхийн хүрээний гэж тодорхойлж болох дэлхийн бүх л шилдгүүд үйл хөдлөл, бэлтгэл сургуулилтыг нь хянаж байдаг, тийм айхтар анхаарлын төвд орчихсон шилдэг тамирчин атлаа яг л миний найман жилийн өмнөөс мэдэх болсон тэр л зангаараа байж чаддаг.