Монгол Улсын Ерөнхий сайд С.Батболдтой ОХУ-ын Засгийн газрын дарга В.В.Путин 2 дугаар сарын 26-ны өдөр утсаар ярив. Оросын талын санаачлагаар зохион байгуулсан ярианы үеэр Засгийн газрын дарга В.В.Путин манай улсад өвөлжилтийн байдал хүндэрч буйтай холбогдуулан найрсаг харилцаатай хөрш орны хувьд бололцоотой тусламж, дэмжлэг үзүүлэхийг мэдэгдлээ.

УИХ-ын намрын чуулган завсарлаад нэг сар болох гэж байгаа бөгөөд өнөөдрийн хувьд 76 гишүүнээс 15 нь гадаадад томилолтоор ажиллаж буй аж. Энэ тухай мэдээллийг УИХ-ын Тамгын газраас гаргаад байна.

Өнөөдөр үдээс хойш хуралдсан Засгийн газрын ээлжит бус хуралдаанаар Цөмийн энергийн тухай, Цөмийн энергийн тухай хуулийг дагаж мөрдөх журмын тухай хуулиудын хэрэгжилтийн талаархи Монгол Улсын сайд, Засгийн газрын Хэрэг эрхлэх газрын дарга Ч.Хүрэлбаатарын мэдээллийг хэлэлцээд дараах арга хэмжээг авах нь зүйтэй гэж үзжээ.

Сонгинохайрхан дүүргийн Ардчилсан холбооноос тус дүүргийн Засаг даргыг ажлаас халах тухай Иргэдийн төлөөлөгчдийн хурлаас /ИТХ/ гаргасан шийдвэрийг үл тоож байна хэмээн Нийслэлийн Засаг дарга Г.Мөнхбаярт хандан мэдэгдэл хүргүүлсэн талаар өнөөдөр “Монгол ньюс” мэдээллийн төвд мэдээллээ.

Нийслэл Улаанбаатар хотын удирдлагууд маргааш сэтгүүлчдийг уулзалтад урьжээ. Жил бүрийн хаврын тэргүүн сард зохион байгуулдаг эл уулзалтад нийслэлийн харъяа газар, алба агентлагийн бүх дарга нэр оролцож хийж хэрэгжүүлсэн ажил болон хийх гэж байгаа ажлаа танилцуулдаг уламжлалтай.