Ямартай Ерөнхийлөгч анхны хоригоороо өөрийн зүгээс хийх ёстойгоо хийж иргэдийнхээ талд зогсч чадлаа. Одоо харин УИХ-д биднийг төлөөлж буй төлөөлөгчдийн хэн нь хэн бэ гэдгийг харах үлдлээ. 

Одоо авлигачдад анхааруулга өгч, гүйцэтгэх ажиллагааг гэрэл цохиулдаг, ард түмнийхээ амыг нь үдэх хууль санаачлахаа л байчих. Тэгж гэмээнэ амаргүй цаг үеийг амар жимэр давна.

Ерөнхийлөгч “Хүн биш хууль засаглана” гэсэн. Хуулийг гэхдээ хүн, бүр тодруулбал эрх баригчид баталдаг. Тэгэхээр тэд засаглав. “Баялагтаа эзэн Монгол” гэсэн. Баялгийг нь эрх баригчид нийлж тонов.

Монголд ардчилал бий гэдэгт улам бүр эргэлзэж, бидний сонголт өнөөгийн төр мөн эсэхэд өдөр бүр итгэл алдраад буйн ердөө ганцхан шалтгаан энэ.

Хулгайч нь эрх баригч энэ нам, түүний эд эс нь болсон гишүүд болохоор амьд үлдэхийн тулд ард түмэнд хэрэгцээгүй нэгнээ, сөрөгч хүчний төлөөлөлтэй хамт “өргөл” болгон өгч байна.

Төрийн хийсэн бүхэн Монгол хүний сайн сайхныг эсрэг чиглээд байх шиг.