Драмын урлагийн шилдэг бүтээлийг шалгаруулах “Гэгээн муза” наадам өчигдөр долоо дахь жилдээ амжилттай зохион байгуулагдаж өндөрлөлөө. Драмын, хөгжимт драмын гэсэн хоёр төрлөөр дэлхийн сонгодог бүтээлүүдийг шигшин, шүүснээс “Гэгээн муза-2009” наадмын “Гран при” шагналыг Виктор Гюгогийн зохиол “Парисын дарь эхийн сүм” жүжгийг амилуулсан Улсын драмын эрдмийн театрын уран бүтээлчид гардлаа.