Гавьяат дасгалжуулагч Л.Ундралбат, Хөдөлмөрийн баатар, Гавьяат тамирчин О.Гүндэгмаа тэргүүтэй манай мэргэн буучид буурал тивийг зорьсон билээ. Хамтарсан бэлтгэл хийхийн хажуугаар хэд хэдэн тэмцээнд оролцохоор төлөвлөсөн тэд Польшийн гран-при тэмцээнд онч сорьж байна. Уг тэмцээнд Хөдөлмөрийн баатар, Гавьяат тамирчин О.Гүндэгмаа спорт болон хийн гар бууны дасгалаас хошой мөнгөн медаль хүртжээ. Үүнээс гадна хийн гар бууны дасгалд залуу тамирчин Ө.Өлзийням 383 оноогоор дөрөвдүгээр байр эзэлсэн байна. Тэрээр энэ амжилтаараа Олон улсын хэмжээний мастер цолны болзол биелүүлж буй юм байна.

Польш улсад хамтарсан бэлтгэл хийж байгаа буудлагын тамирчид энэ сарын 29-нд Берлин хотод эхлэх олон улсын тэмцээнд оролцох төлөвлөгөөтэй байгаа тухай “Үндэсний шуудан” сонинд мэдээлжээ.