Өмнөд Солонгост шувууны ханиадны тохиолдол сүүлийн арван сард анх удаа бүртгэгдсэн талаар ИТАР-ТАСС мэдээллээ. Тус улсын Хөдөө аж ахуй, ойн яамнаас энэ тохиолдлыг өнөөдөр албан ёсоор мэдэгдсэн юм. Чунчхон-Намдо мужид шувууны ханиадны шинж тэмдэгтэй 450 тахианы дэгдээхий байгаа бөгөөд өмнө нь 40 дэгдээхий үхсэн байна. Одоо өргөн хэмжээний шалгалт хийж байгаа бөгөөд шалгалтын дүнг ойрын өдрүүдэд мэдээлэх юм.

Вирусын тестээр Н-5 эсвэл Н-7 хэлбэр илэрвэл илүү нарийвчлалтай шинжилгээ хийх аж. Энэ тохиолдолд өвчний шинж илэрсэн голомттой тус мужийн шувууны аж ахуйнуудын үйл ажиллагааг хязгаарлах талаар яамны төлөөлөгч нэмж хэлсэн байна.