UBM TechInsights компани гурав дахь үеийн iPad планшет компьютерийг бүрдүүлж байгаа эд ангийн өөрийн өртгийн үнэлгээг гаргалаа.

Шинэ iPad 9,7 ямхын, 2048 х 1563 цэг бүхий нягтшилтай Retina дэлгэц, хоёр тооцоолох цөм, график хяналтын дөрвөн цөм бүхий Aplle A5X процессор, 5 мегапикселийн арын камер, утасгүй холбооны WiFi (802.11a/b/g/n), Bluetooth 4.0, GPS, эзлэхүүнт орон зайн өнцөг мэдрэгч буюу гироскоп, хөдөлгөөн, эрчим мэдрэгч буюу акселерометр, гэрэлтүүлэг мэдрэгч, тоон луужин зэрэг төхөөрөмжтэй бөгөөд суулгасан флэш санах ойг 16, 32, 64 хүртэл нэмэгдүүлж болох билээ. Мөн дөрөвдөгч үеийн хөдөлгөөнт холбооны LTE модуль нэмж болно.

Тэгвэл UBM TechInsights-ын тооцоолсноор шинэ iPad-ны дэлгэц 70$, дэлгэцийн мэдрэгч 25$, процессор 28$, зай 30$, LTE 21$, камерын блок 12,5$-ын өртөгтэй байх жишээтэй. Ингэснээр планшетын нийт өөрийн өртөг 310 $ болох бөгөөд үүнд 16 гегабайтын санах ойтой төхөөрөмжийг програм хангамж, маркетингийн зардалгүйгээр тооцжээ. Өмнөх үеийн iPad-ынх 248 $-т хүрч байсан юм.

Амьдрал дээр бол шинэ iPad-ын WiFi, 16, 32, 64-ийн санах ойтой нь 499$, 599$, 699$-ийн үнэтэй байх бол 3G/4G холбоог дэмждэг нь 629$, 729$, 829$ байх юм.

Эх сурвалж: Electronista