“Гранд” сэтгүүлээс уламжлал болгон зохион байгуулдаг “Grand Lady” оны шилдэг эмэгтэйг шалгаруулах ёслолын ажиллагаа өнгөрсөн бямба гаригт “Чингис” зочид буудалд болж, уламжлалын дагуу Улс төр, Урлаг соёл, Бизнес, Спорт, Хүмүүнлэг гэсэн таван номинацид оны шилдэг эмэгтэйчүүдийг нэрлэлээ. Олон нийтийн  санал асуулгаар дараах таван эрхэмсэг бүсгүй оны шилдэг, лидер эмэгтэйгээр шалгарсан байна. 

“Grand lady-2011”-ын шилдэг эмэгтэйчүүд: 

1.    Хүмүүнлэг – НИТХ-ын төлөөлөгч, Нийслэлийн Нийгмийн Ардчилал Монголын Эмэгтэйчүүдийн холбооны тэргүүн, “Тэнүүн сэтгэлт хүн” ТББ-ын Удирдах зөвлөлийн гишүүн, “Үндэсний цэцэрлэгт хүрээлэн”-гийн дарга, эрхэмсэг хатагтай Б.Саранчимэг
2.    Урлаг – УДБЭТ-ын захирал, эрхэмсэг хатагтай Б.Сэргэлэн
3.    Нийгэм соёл – Зохиолч, сэтгүүлч Б.Шүүдэрцэцэг
4.    Спорт – Монгол Улсын Хөдөлмөрийн баатар, Гавьяат тамирчин О.Гүндэгмаа
5.    Бизнес – “Петровис” компанийн захирал, эрхэмсэг хатагтай Д.Энхчимэг нар тус тус шилдгээр шалгарчээ.