Өнгөрсөн бямба гаригт жилийн өмнө газар хөдлөлт ба цунамийн гамшгаар амь үрэгдэгсдийн дурсгалд зориулан Осака хотын Шитэннози хийдэд 16 мянган зул өргөсөн байна. Амь үрэгдэгсэд ба сураггүй бологчдын дурсгалын арга хэмжээний гол үйл явдал ням гаригт боллоо. Орон нутгийн цагаар 14:46-д гамшигт хэлмэгдэгсдийн дурсгалд зориулж нэг минутын турш хүндэтгэл илэрхийлэв. Яг энэ цагт жилийн өмнө 9 магнитудтай газар хөдлөлт Японд болж түүнийг цунами дагалджээ.

Гамшигт ихээхэн нэрвэгдсэн Фүкүшима-1” атомын цахилгаан станцад ч нэг минутын чимээгүй гашуудал зарласан ба АЦС-ийн оператор  Tepco  компани дахин олон нийтээс ослын төлөө уучлалт гуйлаа. Японы эзэн хаан Акихито ба тус орны ерөнхий сайд Есихико Нода нар Токиогийн Үндэсний театрт болсон гашуудлын арга хэмжээнд иржээ. Өнгөрсөн жилийн байгалийн гамшгаар нийт 19 мянган хүн амиа алдаж, зарим нь ор сураггүй болсон юм. Тэднээс 16 мянган хүн нь албан ёсоор амь үрэгдсэнд тооцогдож байна. Нийтдээ 330 мянган байр байшин нуржээ.