“Номин талст” хамтлагийн дуучин А.Хаянхярваа буюу Хаянаа Тусгаар тогтнолын ордонд саатав. Тэрбээр гэр бүлийн хамт “Sweetymotion” хамтлагийн тоглолтыг үзэж яваа нь энэ аж. Түүний охин Танхилуун олны анхаарлыг татсан. Төгөлдөр хуур, балетаар хичээллэх дуртай Танхилуун охинг олны танил эрхмүүдийн охидууд дундаас хамгийн ихэмсэг нь гэдэг. Өдгөө 12 настай “Хобби” дунд сургуульд сурдаг Хаянаагийн охин нь “Sweetymotion”-ийн дуунуудад дуртай гэсэн. Тиймээс ээж, аав, дүүгийнхээ хамт Тусгаар тогтнолын ордонд саатан, намба заан үзэж сууна лээ. Харин Хаянаа суудал дээрээ тогтохгүй, бүжиглэж, дууг нь дагаж дуулсаар гэрэл зурагчдын дуранд нэлээд өртөөд авна лээ.