Монгол Улсын Гавьяат жүжигчин, дуучин С.Жавхлан "Галаа манасан монгол бүсгүй" тоглолтынхоо ашгаас долоон ээжид тус бүр нэг сая төгрөг гардуулан өглөө. Тэрбээр тун удахгүй 21 аймгийн олон хүүхэдтэй, өрх толгойлсон ээжүүдэд мөн нэг сая төгрөг хандивлахаар зэхэж байгаа аж. Хандив гардуулах үеэрээ “Энэ мөнгө бол ганц С.Жавхлангийнх биш миний тоглолтыг зорьж ирсэн ээжүүдийн цагаан сэтгэлийн өргөл, хамгийн цагаан мөнгө юм. Сэтгэлд гал байхад зууханд түлээ олдоно гэдэг. Үнэнээ л хэлье. Надад нэг ширхэг ч  уул уурхайн лиценз байхгүй. Гэтэл намайг улс төржлөө, дээл өмслөө гэж сүүлийн хэдэн жил элдвээр хэллээ. Энэ бүхэн хэцүү байдаг юм байна" хэмээжээ. Мөн тэрбээр УИХ-ын 2012 оны сонгуульд нэр дэвшихгүй гэдгээ албан ёсоор зарлав.