УИХ-ын чуулганы нэгдсэн хуралдаанаар Батлан хамгаалахын сайд Ж.Энхбаярыг огцруулах тухай УИХ-ын нэр бүхий гишүүдийн санаачилсан хуулийн төслийг хэлэлцээд гишүүдийн 64.2 хувийн саналаар “Огцруулах шаардлагагүй” гэж үзлээ. Санал хураалтад нийт 53 гишүүн оролцсоноос 34 нь сайд Ж.Энхбаярыг огцруулахгүй гэж кноп дарлаа.

Одоо чуулганы нэгдсэн хуралдааныг түр завсарлуулаад байна. Энэ нь УИХ дахь Ардчилсан намын бүлэг хуралдаж, Орон нутгийн сонгуулийн тухай хуулийн төсөлтэй холбогдуулан МАН-аас ирүүлсэн саналыг хэлэлцэн хоёр бүлэг саналаа нэгтгэх болж буйтай холбоотой юм. Гэхдээ ээлжит бус чуулганыг 17.30 цагт дахин хийхээр болж УИХ-ын дарга цаг товлолоо.