Сүхбаатар аймгийн Баруун-Урт сумын нутаг дэвсгэрт үйл ажиллагаа явуулдаг ахуйн барааны гурав,  хүнсний барааны 11 аж ахуйн нэгж, дөрвөн салбар, гурван цэг байгууламж, тэдгээрт ажиллаж буй 72 албан тушаалтан, иргэнд аймгийн Мэргэжлийн хяналтын газраас шалгалт хийсэн байна. Шалгалтаар 83 зөрчил илэрч, илэрсэн зөрчлөөс 77.1 хувийг газар дээр нь арилгуулжээ. Шалгалт хийх дээрх обьектыг сонгохдоо 2011 онд хийсэн эрсдэлийн үнэлгээн дээр тулгуурласан байна.

Шалгалтын үеэр хадгалалтын горим зөрчигдөж, чанараа алдсан, баталгаагүй 138 нэр төрлийн 3477 ширхэг, 64.1 кг, 2.4 сая төгрөгийн үнэ бүхий зүйл хураан авч, Засгийн газрын 131 дүгээр тогтоолын дагуу устгажээ. Мөн зөрчил гаргасан долоон аж ахуйн нэгжид 950 мянга, нэг албан тушаалтанд 20 мянган төгрөгийн торгууль  ногдуулсан байна. 

Уг шалгалтын явцад илэрсэн хадгалалтын хугацаа хэтэрсэн, чанараа алдсан бүтээгдэхүүний тоо хэмжээг өмнөх оны мөн үеийнхтэй харьцуулахад 1.5 саяар буюу 38 хувиар багасчээ.