Монгол Улсын шадар сайд, "Лондон-2012" олимпийн наадамд оролцох Монголын багийн ахлагч М.Энхболд өнөөдөр 11.00 цагаас Үндэсний шигшээ багийн бүх дасгалжуулагч, тамирчидтай уулзаж, бэлтгэл сургуулилтын явцтай нь танилцаад, тэдэнд бэлтгэлийн хувцас хэрэглэл гардуулан өгөх гэж байна. Энэхүү арга хэмжээ Спортын төв ордны хурлын танхимд болох тухай Биеийн тамир, спортын газраас мэдээлэв.