Герман улсын Дортмүнд хотод ширээний теннисний багийн ДАШТ гуравдугаар сарын 25-аас дөрөвдүгээр сарын 1-ний хооронд болох билээ. Тус тэмцээнд монголын эрэгтэй, эмэгтэй шигшээ баг оролцох юм.

Монголын үндэсний шигшээ багийн даргаар Ч.Амарсанаа (МШТЕНБД), багийн ахлах дасгалжуулагчаар А.Мэндбаяр (МШТХ-ны тэргүүлэгч гишүүн), ахлах дасгалжуулагчаар С.Галбадрах, туслах дасгалжуулагчаар Б.Цэрэнтогтох нар ажиллах аж. Ингээд багийн гишүүдийг танилцуулья.

Эмэгтэй баг

1. ОУХМ Б.Батхишиг (МБАТ XIII их наадмын хүрэл медальт, монгол улсын зургаан удаагийн аварга)
2. Спортын мастер Б.Эрдэнэсувд (МБАТ XIII их наадмын аварга) 
3. Спортын дэд мастер А.Анх-Эрдэнэ (МБАТ XIII их наамдын мөнгөн медальт)
4. Спортын дэд мастер Б.Энхжин

Эрэгтэй баг

• ОУХМ Л. Алтантулга (МБАТ XIII их наадмын хүрэл медальт, Монгол улсын дөрвөн удаагийн аварга)
• Спортын мастер Б.Лхагвасүрэн (2004 оны монгол улсын аварга)
• Спортын дэд мастер Б.Баатарсүрэн 
• Спортын дэд мастер Б.Билэгт 
• Спортын дэд мастер А.Батдэлгэр

Өнгөрсөн жилийн ДАШТ-д амжилттай оролцож "D" группээс "С" групп руу шилжсэн эмэгтэй шигшээ багийн хувьд Канад, Мексик, Ирланд, Иран, Армений шигшээ багтай Group K-д оноолт таарсан байна. 

Тэмцээний талаархи дэлгэрэнгүй мэдээлэлийг  ЭНД дарж үзнэ үү.