МАН-ын дэргэдэх Нийгмийн Ардчилал Монголын Эмэгтэйчүүдийн Холбоо/НАМЭХ/-ноос Олон улсын эмэгтэйчүүдийн эрхийг хамгаалах өдрийг тохиолдуулан “Ижий бурхандаа мөргөмү” хүндэтгэлийн арга хэмжээг нийслэлийн есөн дүүргийн намын хороодтойгоо хамтран зохион байгуулсан байна. Энэхүү арга хэмжээнд МАН-ын дарга Монгол Улсын Ерөнхий сайд С.Батболд, УИХ-ын дарга Д.Дэмбэрэл, УИХ-ын гишүүн , НАМЭХ-ны ерөнхийлөгч Д.Оюунхорол, тус холбооны Удирдах зөвлөлийн гишүүд, МАН-ын Удирдах зөвлөлийн хэрэг эрхлэх газрын хэлтсийн дарга нар, Нийслэл болон дүүргийн намын хорооны дарга, дэд дарга нар хүрэлцэн иржээ. Энэхүү ёслолын ажиллагааг нээж УИХ-ын гишүүн, НАМЭХ-ны Ерөнхийлөгч Д.Оюунхорол үг хэлсний зэрэгцээ  "Гал голомт" үндэсний хөдөлгөөний тэргүүн, Эрүүлийг хамгаалахын гавъяат ажилтан Д.Мөнхөө "Монгол эхийн бахархалыг буухиалцгаая", Хүний эрхийн хуульч, НАМЭХ-ны УЗ-ийн гишүүн М.Ичинноров "Эмэгтэйчүүдийн эрх" сэдэвт илтгэлүүдийг тавьжээ. Мөн энэ үеэр Нийгмийн Ардчилал Монголын Эмэгтэйчүүдийн холбооны дээд шагнал болох "Нийгмийн зүтгэлтэн" одонгоор МАН-ын дарга, Монгол Улсын Ерөнхий сайд С.Батболд, МАН-ын Ерөнхий нарийн бичгийн дарга У.Хүрэлсүх, УИХ-ын эрхэм гишүүн Ж.Сүхбаатар, "Гал голомт" үндэсний хөдөлгөөний тэргүүн Д.Мөнхөө нарыг шагнажээ. Энэхүү одонг улс орныхоо хөгжил дэвшилд онцгой хувь нэмэр оруулж, ажил үйлсээрээ эмэгтэйчүүдийнхээ бахархал болсон эрхмүүдэд олгодог юм байна.