Apple удаан хугацааны турш хэрэглэгчдэд хүлээлт үүсгээд байсан iPad таблетын шинэ хувилбараа танилцууллаа. New iPad хэмээн нэрлэсэн энэхүү шинэ загвары Apple-ыг CEO Тим Кук танилцууллаа.

iPad нь бүх цаг үеийн туршид хамгийн богино хугацаанд хамгийн олон хувь борлогдсон шилдэг бүтээгдэхүүн бөгөөд анхны загвараа 2010 оны гуравдугаар сарын 12-ны өдөр танилцуулж байсан юм.

Эхний загвар iPad-ыг дараагийн загвар буюу iPad2-ыг гаргах хүртэл 15 сая хувь борлуулж, түүхэн дээд амжилт тогтоосон юм.

Ингээд танилцуулгаас өмнө ихэд нууцалж, технологийн сайтуудад олон янзын таамаглал бичигдэж байсан New iPad-ын үзүүлэлтүүдийг танилцуулья.

Шинэ загварын хамгийн гол онцлог нь дэлгэц болжээ. Дэлгэц нь Retina буюу хүний нүдээр харахтай адил хэмжээний нарийвчлалаар харах боломжийг бүрдүүлсэн, 1024х768-аас 2048х1536 пикселтэй, зураг болон видео үзэхэд өмнөх загваруудаасаа хамаагүй илүү түвшинд хүрчээ. Үйлдвэхлэгчдийн зүгээс дэлхий дээрх хамгийн төгс дэлгэц хэмээн онцлоод байна.

Харин гадаад хэлбэр, загварын хувьд өмнөх хоёр загвартайгаа ижил, 9.4 мм зузаантай,  662 грамм жинтэй болжээ.

Мөн график процессороо (quad core) дөрвөн цөмтэй А5Х чипээр сольсон тул зураг видео боловсруулах хурдыг ихээр нэмэгдүүлжээ. Дэлгэцэнд 3,1 сая цэг дүрслэх чадвартай буюу Full HD телевизийн дүрслэх цэгээс 1 сая цэгээр илүү гэсэн үг.

Мөн iPhone 4S-ынх шиг хүчин чадал бүхий 5 мегапиксел бүхий iSight камертай, Full HD 1080p видео бичих боломжтой болжээ. Таблет дээр байрлах гаран дээр дуун команп биелүүлэх товч байрласан ба iPhone 4S дээр нэвтрүүлсэн дуу хоолойгоор харьцах систем Siri шиг шинэ iPad-д та хүссэн командаа өгч болох болжээ.

Дэмжигдэх хэлэнд хувьд Америк, Британи, Австрали аялгатай англи хэлнүүд, Франц, Герман, Япон хэлнүүд багтжээ. Холболтын чадварын хувьд 4G (LTE) сүлжээг дэмжих болсноор дэлхийн хаана ч систем хамаарахгүйгээр онлайн байх нөхцөлийг хангаж өгсөн байна.

Батерейн ажиллах хугацаа 10 цаг ба 4G-ыг ашиглавал 9 цаг байх аж.

Хар, цагаан 2 өнгөний сонголттойгоор энэ сарын 16-наас АНУ, Канад, Англи, Франц, Герман, Швейцар, Япон, Хонконг, Сингапур, Австрали зэрэг улсуудад худалдаалагдаж эхлэх ба бусад оронд 23-наас эхэлж гарах ажээ.

Үнийн хувьд 16GB багтаамжтай WiFi бүхий загвар нь 499 ам.доллар 64GB багтаамжтай 4G загьар нь  829 ам.доллар байх аж.

Шинэ загвар худалдаанд гарч буйтай холбоотойгоор өмнөх iPad 2ын үнийг бууруулж 399-529 ам.доллар болгожээ.