Одонтой эхчүүдийн холбооноос өнөөдөр  зургаа дахь жилдээ “1000 ээжийн чуулга уулзалт”-ыг Ерөнхийлөгчийн ивээл дор, Төрийн ордонд зохион байгуулах гэж байна. “1000 ээжийн чуулга уулзалт”-ад  Одонтой ээжүүдэд тэтгэлэг олгох хуулийн төслийг санаачилсан Б.Мөнхтуяа, одонт ээж С.Санатхан, Д.Долгорсүрэн нар оролцох аж.

Өмнөх жилүүдэд “Монголын үрс маш олон болтугай”, “Монголын үрс оюунлаг байх болтугай”, “Монголын үрс эрүүл, чийрэг байх болтугай” зэрэг тодорхой сэдвүүдээр тус чуулган нь асуудал дэвшүүлж, уриалга гаргаж ирсэн аж. Харин энэ удаагийн сэдэв нь “Нийгмийн тулгамдсан асуудлууд” гэнэ. Ээжүүдийн санал, хүсэлт, завламжийг улс төрчид анхааралдаа авна гэдэгт 1000 ээж итгэж байгаа аж.