УИХ-ын Аюулгүй байдал, гадаад бодлогын байнгын хорооны хуралдаан одоо ч үргэлжилсээр байна. Тус хуралдаанаар Батлан хамгаалахын сайд Ж.Энхбаярыг огцруулах тухай УИХ-ын гишүүн Р.Гончигдорж, Э.Бат-Үүл нарын өргөн мэдүүлсэн хуулийн төслийг хэлэлцэх эсэх тухай авч хэлэлцэж байгаа юм. Үдээс хойш 15.20 цагийн үед эхэлсэн энэхүү хуралдаан одоо ч үргэлжилсээр байгаа бөгөөд уг хуралдааны дараа УИХ-ын чуулганы нэгдсэн хуралдааныг зарлан хуралдуулахаар төлөвлөөд байсан нь хойшлогдож мэдэхээр болоод байна.