Дуучин Quiza-гийн шинэ цомог тун удахгүй сонсогчдод хүрэх нь. “Дунд голын дугуйлан” хэмээн нэрлэсэн түүний цомогт “Best Friends”, “Хүртсэнээрээ амьдаръя”, “Тусгаар тогтнол чамайг тунхаглан бичье” зэрэг 13 дуу багтсан байна. Цомгийн хөгжмийн найруулгыг  “Нэгүн” студийн А.Одбаяр гардан гүйцэтгэж,  “Рro Sound”  студид бичлэгээ хийлгэсэн бөгөөд хэвлэлтэд шилжүүлэхэд хэдийнэ бэлэн болсон гэнэ.

Өнгөрсөн жил төрсөн ах Болдтой хамтран “Дунд гол” продакшн байгуулсан Quiza хотын залууст зориулж, сар бүр үдэшлэг зохион байгуулах болсон билээ. Үдэшлэгийн онцлог нь jazz, punk, soft, латин америк, нью жазз зэрэг Монголд төдийлөн дэлгэрээгүй урсгалыг хөгжүүлэхэд чиглэдэг аж. Энэ ажлын хүрээнд шинэ цомгоо “Дунд голын дугуйлан” хэмээн нэрлэсэн гэнэ.