150 сая төгрөгийн шагналын сантай “Камертон-2” шоуны эхний шатны шалгаруулалт өчигдөр буюу 03 сарын 06-нд албан ёсоор эхэллээ. Авъяаслаг, эрч хүчтэй, урлагийн төлөө цохилох зүрхтэй 15-25 насны залуусын оролцож байгаа тус шоу нийслэл хотын төвд “Blue Mon” цамхагийн 12 давхарт шалгаруулалтаа явуулсаар байна. Шоунд нийт 724 залуус бүртгүүлсэнээс шалгаруулалтын эхний өдөр нийт 80 оролцогч өөрийн бэлдэж ирсэн нэг дууг амьдаар хөгжим, фнограмгүй дуулж байгаа бөгөөд шүүгчид оролцогчийн дуулах ур чадварыг харгалзан үзэж тэнцэнэ, тэнцэхгүй гэсэн шийдвэрийн аль нэгийг гаргаж байна.  Шүүгчдээр Камертон хамтлагийн ахлагч Болд, хамтлагийн гишүүн Мэнд-Амар, Ган-Эрдэнэ, Эрдэнэбат нар ажиллаж байна. Энэ бүхний эцэст шоуны 4-р  шатанд шилдэг 16 залуу тунан үлдэх бөгөөд эдгээрээс ард түмний сэтгэл зүрхэнд мөнхөд хадгалагдан үлдэх тийм л эрхэм хүндтэй, амьд домог болохуйц хамтлаг төрөн гарах учиртай. Мэдээж шилдэгээр шалгарсан дөрвөн залуугийн хувьд Монголын урлаг тэр дундаа Рок Поп урлагийн ертөнцөд өөрсдийн гэсэн нэр, уран бүтээлээ тунхаглах ирээдүйн үүд хаалга нь нээгдэх юм. Харин шинээр төрөн гарч ирэх тус хамтлагийн уран бүтээл туурвих их ажлыг В продакшн болон Боловсрол суваг телевиз таван жилийн хугацаанд ерөнхий продюсингийн гэрээ байгуулан ажиллах ховорхон боломж хүлээж байгаагаас гадна шилдэг дөрвөн оролцогчийг зуун тавин сая төгрөгийн шалналын сан хүлээж байгаа юм.

Хамгийн ирээдүйтэй, хамгийн урт удаан настай, хамгийн бодитой, хамгийн шилдэг хамтлаг гаргаж ирэхийн төлөө “Камертон2” төслийн баг, эрхэм шүүгчид болон уран бүтээлчид гээд маш олон хүмүүс баг болон ажиллаж байна.

Энэ бүх ажил хөдөлмөрийн дараа Шалгарсан шилдэг хамтлагаас бид эв найрамдал, авъяас билэг, эрч хүч, хамтлагийнхаа төлөө гэсэн нэгэн зүрх сэтгэлийг хүлээж байгаа. Ийнхүү өнөөдөр Шоуны эхний шалгаруулалт эхэлж адтай, одтой, авъяастай аавын хөвгүүд яаж дуулдгийг яруу тодоор харууллаа. Зарим нэг нь сандарлаасаа эсвэл багахан бэлтгэл муутайгаасаа болоод харамсалтайгаар тэнцэж чадсангүй. Ингээд маргааш шалгаруулалт үргэлжилсээр авъяаслаг аавын хөвгүүд ар араасаа тодорсоор байх болно.

Зургийг ЭНД дарж үзнэ үү