“Sweetymotion” хамтлаг 15 нас хүрлээ. Тэд 15 жилийн ойн хүрээнд “Male Stars and Unplugged” нэртэй тоглолтыг энэ сарын 8-нд Тусгаар тогтнолын ордонд хийхээр болсон. Тэд тоглолтынхоо өмнө хэд хэдэн шинэ клипээ үзэгчдэд хүргэхээр бэлтгээд байгаа аж. Сар шинийн баяраар “Хайрласан хайр” дууны клип үзэгчдийн хүртээл болсон бол өнөөдрөөс эхлэн “Giddy Up” шинэ клипээ цацаж эхлээд байна. Тэдний шинэ клипийг “A Vision” студийн уран бүтээлчид хийжээ.