“Хатан ухаан” танхимаас монгол эмэгтэйчүүдэд зориулан гуравдугаар  сарын 2-нд Онол практикийн эрдэм шинжилгээний бага хурал зохион байгуулсан билээ. Тус хуралд салбар, салбарын оюунлаг эмэгтэйчүүд оролцож, хатан ухаанаар улс орондоо ихийг хийж бүтээхэд эмэгтэйчүүдийн оролцоо, идэвх санаачилга чухал байгаа талаар ярилцаж, дуу хоолойгоо нэгтгэн, цаашлаад оюун ухаанаараа төрийн жолоог атгалцахад чухал хэрэгтэй байгаа талаар санал бодлоо солилцсон байна. Улмаар хатан ухааныг түгээх ажлыг эхлүүлсэн бөгөөд энэ хүрээнд гуравдугаар сарын 9-нд буюу ирэх баасан гаригт Соёлын төв өргөөнд 14.00 цагаас үнэ төлбөргүй лекц уншихаар болжээ. Лекцийн гол агуулга нь хатан ухаанаар хэрхэн эвлэлцүүлэн нэгтгэж, гэр орон цаашлаад улс орноо авч явах тухай байх гэнэ. Сонирхуулахад, Монгол Улсын Гавьяат жүжигчин, дуучин Т.Ариунаа “Хатан ухаан” танхимын жинхэнэ гишүүн тул эмэгтэйчүүдэд хандан лекц унших аж.