Өнгөрөгч бямба гаригт талхны үнэ 50-100 төгрөгөөр нэмэгдсэн. Тухайлбал 550 төгрөгөөр зарагдаж байсан талх 650 төгрөг, 750 төгрөгөөр зарагдаж байсан талх 850 төгрөг болжээ. Өргөн хэрэглээний бараа бүтээгдэхүүний үнэ тэр дундаа талхны үнийг ийн нэмсэн нь нийгэмд бухимдал үүсгэж байгаа талаар холбогдох байгууллагууд анхаарууллаа.

Иймд гурилан бүтээгдэхүүний үнийг нэмсэн аж ахуйн нэгжүүд Монголын Хэрэглэгчдийн эрх ашгийг хамгаалах нийгэмлэгүүдийн үндэсний холбоо болон хэрэглэгч олон нийтэд бүтээгдэхүүний өөрийн өртгийн тооцоо, үнэ нэмэх болсон шалтгаан үндэслэлийг яаралтай мэдээлэх аж. Хэрэв зохиомлоор талхны үнэ нэмсэн нь тогтоогдвол холбогдох байгууллагуудад хариуцлага тооцох аж.