Энэ жилийн махны нөөцийг хангалттай хэмжээгээр буюу 12 мянган тонн бэлтгэсэн гэж мэдэгдэж байсан. Өнөөдрийн байдлаар 4900 тонныг нь борлуулж дууссан байна. Энэ сард 2350 тонн мах борлуулах хуваарьтай боловч нөөцийн махны үнэ нэмэх болсонтой холбоотойгоор борлуулалтыг өнгөрсөн долоо хоногт зогсоогоод байсан билээ.

Энэ талаар Хүнсний хангамж хариуцсан мэргэжилтэн О.Уянгаас лавлахад “Өнөөдрийн байдлаар нөөцийн махыг хэвийн борлуулж байна” гэв.

Хэдийгээр өнөөдрөөс нөөцийн махыг хэвийн борлуулж эхэлсэн ч энэ нь үнийг нь нэмэхээ больсон гэсэн үг биш гэнэ. Харин Монголын махны холбооны тэргүүн гадаад улс руу зочилж, Гүйцэтгэх захирал нь өвчтэй байгаатай холбогдуулан нөөцийн махны үнэ нэмэгдэх асуудал түр хойшлогдоод байгаа аж.