2008 оны долдугаар сарын 1-ний хэрэг явдлын улмаас таван хүний амь нас хохирсонтой холбогдуулан цагдаагийн дарга нарыг шүүх хурал энэ сард болохоор хойшилсон билээ. Тэдний өмгөөлөгч нар тухай үед ҮАБЗ-ийн гишүүн байсан хүмүүсийг шүүх хуралд гэрчээр дуудах санал тавьсан юм.

Тэгвэл тухайн үед ҮАБЗ-ийн гишүүн байсан УИХ-ын дарга асан Д.Лүндээжанцан, Ерөнхий сайд асан С.Баяр, мөн Хууль зүй, дотоод хэргийн сайд асан Ц.Мөнх-Оргил нарыг шүүх хуралд гэрчээр оролцуулахаар зарлан дуудах бичиг хүргүүлжээ.