Өнгөрөгч амралтын өдөр хүний амь насыг санаатай хөнөөсөн гурван гэмт хэрэг гарчээ. Баянзүрх дүүргийн 11 хороо Хонхор өртөө Цагаан толгой нэртэй газарт 19 настай Н-ийг МСҮТ-ийн хоёрдугаар курсын  оюутан болох хоёр эрэгтэй хүчирхийлж,  амийг нь  хөнөөжээ. Хэргийн ул мөрөө баллахын тулд  цогцсыг  зөөвөрлөсөн байна. Цагдаагийнхан тэднийг саатуулж, цагдан хориод  байгаа аж. Хэргийг УМБГ-т үргэлжлүүлэн шалгаж байна.

Мөн Чингэлтэй дүүргийн гуравдугаар хорооны нутаг дэвсгэрт 45 настай О нь найз болох 37 настай Б-тэй  хамт архи ууснаас маргалдаж, хэвлийн тус газар нь мэсээр хүнд гэмтээж амь насанд нь хүрсэн хэрэг гарсан бол Баянгол дүүргийн нутаг дэвсгэр Зүүн ард  аюуш гэх газар иргэн 53 настай  эмэгтэй Ч-г, 49 настай эмэгтэй Д нь мэсээр хүнд гэмтээж амь насыг нь хөнөөжээ. Дээрх хэргүүдийг харьяа дүүргийн цагдаагийн хэлтэст  шалгаж  байгаа аж.